News
Լրահոս
News
Չորեքշաբթի
Ապրիլ 24
Տեսնել լրահոսը

Մոսկվան շարունակում է մնալ Ադրբեջանի եւ Հայաստանի միջեւ խաղաղ բանակցությունների հարթակ, ՏԱՍՍ-ի հարցազրույցում ասել է ՌԴ-ում Ադրբեջանի դեսպան Փոլադ Բյուլբյուլ օղլին։

«Այսօր մենք երախտապարտ ենք Ռուսաստանին Բաքվի եւ Երեւանի միջեւ հարաբերությունների կարգավորման միջնորդական ջանքերի համար, եւ Մոսկվան շարունակում է մնալ խաղաղ բանակցությունների վարման հարթակ»,- ասել է Ադրբեջանի դեսպանը։

Որպես օրինակ դեսպանը նշել է վերջին եռակողմ հանդիպումը 2023թ. հուլիսին ՌԴ արտաքին գործերի նախարար Սերգեյ Լավրովի նախաձեռնությամբ, ինչպես նաեւ աշխատանքային խմբի գործունեությունը Ադրբեջանի, Հայաստանի եւ Ռուսաստանի փոխվարչապետերի համատեղ նախագահությամբ, «որի շրջանակում Մոսկվայում ոչ մեկ անգամ տեղի են ունեցել նիստեր տարածաշրջանում տնտեսական կապերի եւ տրանսպորտային հաղորդակցությունների ապաշրջափակման վերաբերյալ»։

«Ցանկանում եմ հատկապես նշել, որ Ադրբեջանի Հանրապետությունը բարձր է գնահատում Ռուսաստանի Դաշնության դերը հայ-ադրբեջանական հակամարտության լուծման գործում, որն արդեն պատմություն է դարձել։ Իր վերջին հարցազրույցում նախագահ Իլհամ Ալիեւը բարձր է գնահատել (ՌԴ) նախագահ Վլադիմիր Պուտինի անձնական դերը ռազմական գործողությունների դադարեցման գործում»,- ասել է նա։

Բյուլբյուլ օղլին  հիշեցրել է նաեւ Հայաստանի եւ Ադբեջանի ղեկավարների շփման մասին ԱՊՀ պետությունների սանկտպետերբուրգյան ոչ պաշտոնական գագաթաժողովի շրջանակում, Ամանորից առաջ։

«Սովորական գործելակերպ է, երբ  պետությունների ղեկավարները նման միջոցառման շրջանակում օգտվում են հնարավորությունից եւ «ոտքի վրա» կարճ զրույց ունենում։ Ադրբեջանը ելնում է այն բանից, որ հանդիպումները պետք է ուղղված լինեն տարածաշրջանում բացառապես երկարաժամկետ խաղաղության, կայունության եւ անվտանգության հաստատմանը, եւ ցանկանում եմ ընդգծել, որ արդեն կա ուղիղ երկկողմ բանակցությունների անցկացման փորձ, որոնք լավ արդյունք են տվել։ Մեզ բոլորիս մեր գլխավերեւում խաղաղ երկինք է պետք»,- ասել է նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՊՀ երկրների առաջնորդների գագաթնաժողովը կանցկացվի հոկտեմբերի 8-ին Մոսկվայում
Արտաքին գործերի նախարարների խորհրդի հաջորդ նիստը կանցկացվի հոկտեմբերի 7-ին...
Ադրբեջանի Գյանջա քաղաքը 2025 թվականին կդառնա ԱՊՀ մարզական մայրաքաղաքը
Նախարարների նիստից հետո որոշում է կայացվել նաև կարգավիճակ տալ ԱՊՀ երկրների հիմնարար կազմակերպություններին ռազմական անվտանգության ապահովման խնդիրների հետազոտման...
Հայաստանն ԱՊՀ արտաքին գործերի նախարարների խորհրդին ներկայացված կլինի փոխնախարարի մակարդակով. Բելառուսի ԱԳՆ
Մենք ակնկալում ենք...
ԱՊՀ երկրների ԳՇ պետերը Մոսկվայում քննարկել են ԱԹՍ-ին հակազդելու քայլերը
Քննարկվել են նաև համատեղ (միավորված) ռազմական համակարգերի զարգացման ներկա և ապագա մարտահրավերները...
ՀՀ եւ Տաջիկստանի զինվորականները մասնակցում են ԱՊՀ երկրների ԶՈւ շտաբների պետերի նիստին
Նիստի ընթացքում Վալերի Գերասիմովը գործընկերներին տեղեկացրել է փոփոխությունների մասին...
ՌԴ-ի և ԱՊՀ երկրների միջև ապրանքաշրջանառությունն աճել է 5,8%-ով. Օվերչուկ
Արտահանումը կազմել է 5,1 տրիլիոն ռուբլի, իսկ ներմուծումը` 3,7 տրիլիոն ռուբլի․․․
Ամենաշատ