Խորհրդարանական ընտրություններին մասնակցելու հայտ ներկայացրած ութ կուսակցությունները 48 ժամ ժամանակ ունեն փաստաթղթերի փաթեթներում առկա անճշտությունները շտկելու համար։ Այս մասին ապրիլի 30-ին Կենտրոնական ընտրական հանձնաժողովի արտահերթ նիստի ժամանակ հայտարարեց ԿԸՀ նախագահ Վահագն Հովակիմյանը։

Փաստաթղթերում շտկումներ պետք է կատարեն հետևյալ կուսակցությունները․

  1. «Ազգային ժողովրդավարական բևեռ» համահայկական կուսակցություն

  2. «Հայ ազգային կոնգրես» կուսակցություն

  3. «Հանրապետություն» կուսակցություն

  4. «Ալյանս» առաջադիմական ցենտրիստական կուսակցություն

  5. «Դեմոկրատիա, օրենք, կարգապահություն» կուսակցություն

  6. «Քոչարի ազգային վերածնունդ և ազգի զարթոնք» կուսակցություն

  7. «Հանուն Հանրապետության ժողովրդավարության պաշտպանների դաշինք» կուսակցություն

  8. «Նոր ուժ» ռեֆորմիստական կուսակցություն։

Նշենք, որ փաստաթղթերում անճշտությունները շտկելու համար նշված ժամկետը նախատեսված է Ընտրական օրենսգրքով։ Հիշեցնենք, որ ընտրություններին մասնակցելու համար քաղաքական կուսակցությունների և կուսակցական դաշինքների գրանցման ժամկետը լրանում է այս կիրակի օրը։

Ընդհանուր առմամբ, ԿԸՀ են դիմել 19 ընտրական սուբյեկտներ՝ 17 կուսակցություն և 2 դաշինք։