նախընտրելի դարձնել
Ավելի քան ակնհայտ է, որ Հայաստանի իշխանությունները հետապնդում են ընդդիմադիր ուժերին։ Այս մասին դատարանի շենքի մոտ լրագրողների հետ զրույցում հայտարարել է «Բարգավաճ Հայաստան» կուսակցության ներկայացուցիչ Արման Աբովյանը։ Այժմ քննվում է երկրորդ նախագահ Ռոբերտ Քոչարյանի և նրա որդու՝ Սեդրակ Քոչարյանի կալանքի ժամկետը երկարաձգելու դատախազության միջնորդությունը։
«Արձանագրենք, որ Հայաստանում ընդդիմադիր առաջնորդների դեմ գործընթացները բացառապես քաղաքական բնույթ ունեն»,- ասել է Աբովյանը։ Նա հիշեցրել է, որ 4 խոշոր կուսակցություններից 3-ի ղեկավարները հետապնդվում են․ Ռոբերտ Քոչարյանն ու Գագիկ Ծառուկյանը բանտում են, Սամվել Կարապետյանը՝ տնային կալանքի տակ։
«Ավելի քան պարզ է, որ այս ամենը քաղաքական է։ Դրա մասին է վկայում նաև ՏԻՄ ընտրություններում ընդդիմության «պասիվությունն» ու նրանց մասնակցությանը հետևած իշխանությունների կոշտ արձագանքը»,- նշել է Աբովյանը։
Նրա խոսքով՝ որքան փաստ է այն, որ երկրագունդը կլոր է, նույնքան էլ փաստ է Հայաստանում քաղաքական հետապնդումների առկայությունը, իսկ տեղի ունեցող գործընթացները որևէ աղերս չունեն ո՛չ ժողովրդավարության, ո՛չ էլ Հայաստանի բուն շահերի հետ։
«Իշխանությունների գլխավոր թեզն այն է, թե հայերը պետք է դադարեն հայ լինելուց»,- ընդգծել է Աբովյանը՝ իրավապահներին խորհուրդ տալով սոցցանցերում հետևել, թե ինչպես են մարդկանց հալածում իրենց քաղաքական հայացքների համար։
