նախընտրելի դարձնելՀունիսի 2-ին, ժամը 04.00-ի սահմաններում, Արտաշատի խճուղում «ՎԱԶ-21061» մակնիշի ավտոմեքենա է դուրս եկել երթեւեկելի մասից եւ շրջվել: Վարորդը մարմնական վնասվածքով տեղափոխվել է հիվանդանոց:
Ոստիկանության լրատվության վարչությունից հայտնում են, որ հունիսի 2-ին, ժամը 15.30-ի սահմաններում, Մասիս-Նուբարաշեն ճանապարհին «Մերսեդես-Բենց» մակնիշի ավտոմեքենա է դուրս եկել երթեւեկելի գոտուց եւ շրջվել, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:
Հունիսի 2-ին, ժամը 17.30-ին, Կոմիտասի պողոտայի եւ Գյուլբենկյան փողոցի խաչմերուկում իրար են բախվել «ԲՄՎ X-5» եւ «Լեքսուս RX 300» մակնիշի ավտոմեքենաներ: Վարորդները մարմնական վնասվածքներով տեղափոխվել են հիվանդանոց:
Հունիսի 2-ին, ժամը 20.00-ի սահմաններում, Մարտունի-Վարդենիս ճանապարհի 7-րդ կմ-ին «ԳԱԶ-2402» մակնիշի ավտոմեքենա է դուրս եկել ճանապարհի բանուկ մասից եւ բախվել բետոնե պատնեշին, ինչի հետեւանքով վարորդը եւ 5 ուղեւորները մարմնական վնասվածքներով տեղափոխվել են հիվանդանոց:
Հունիսի 2-ին, ժամը 21.00-ի սահմաններում, Դավիթ Բեկի փողոցում «Մերսեդես Բենց C 180» մակնիշի ավտոմեքենա է բախվել մայթեզրին կայանված «ԲՄՎ 520» մակնիշի ավտոմեքենայի, ինչի հետեւանքով «Մերսեդես Բենց C 180»-ի վարորդը մարմնական վնասվածքներով տեղափոխվել է հիվանդանոց:
Հունիսի 2-ին, ժամը 22.00-ի սահմաններում, «ԲՄՎ-318» մակնիշի ավտոմեքենայի վարորդը Կ. Ուլնեցու փողոցի 1-ին փակուղու թիվ 1/10 հասցեի մոտ վրաերթի է ենթարկել 24-ամյա մի աղջկա, որը մարմնական վնասվածքներով տեղափոխվել է հիվանդանոց:
Հունիսի 3-ին, ժամը 01.30-ին, Գ.Հովսեփյան եւ Դավիթ Բեկ փողոցների խաչմերուկում «ՎԱԶ-2107» մակնիշի ավտոմեքենա է բախվել բետոնե սյանը, ինչի հետեւանքով ուղեւորուհին մարմնական վնասվածքներով տեղափոխվել է հիվանդանոց:
Հունիսի 3-ին, ժամը 21.50-ի սահմաններում, Երեւան-Բավրա ճանապարհի 135-րդ կմ-ին «Միցուբիշի Պաջերո» մակնիշի ավտոմեքենա է շրջվել, ինչի հետեւանքով վարորդը մարմնական վնասվածքներով տեղափոխվել է հիվանդանոց:
Բոլոր դեպքերում կատարվում է քննություն:
