նախընտրելի դարձնելԵրկու հայտնի հոլիվուդյան աստղեր Քեւին Քոսթները եւ Սթիվեն Բոլդուինը կկանգնեն Նոր Օռլեանի դատարանի առջեւ: Դա նոր կինո չէ, Բոլդուինը Քոսթների դեմ հայց է ներկայացրել:
Դերասանները չեն կիսել Մեքսիկական ծոցում նավթի արտահոսքի վերացման հետեւանքով ստացված շահույթը` 2009 թվականի ապրիլին Բոլդուինը դարձել էր Քոսթների ընկերության բաժնետոմսերի 10%-ի տերը, ընկերությունն արտադրում է մեքենաներ ծովային ջուրը նավթային արտանետումներից մաքրելու համար:
Ըստ Բոլդուինի պնդման` իրեն ասել էին, որ ВР-ը չի հետաքրքրվել այդ տեխնոլոգիայով, ինչից հետո առաջարկել էին վաճառել ընկերությունում իր բաժինը, որն էլ նա արել էր` 2 միլիոն դոլարով: Սակայն պայմանագիրը կնքվել էր, եւ ընկերությունն ստացել էր 52 միլիոն դոլար շահույթ, հաղորդում է TMZ-ն: Սթիվեն Բոլդուինը պահանջում է 21 միլիոն դոլար` կորցած շահույթի դիմաց:
Քեւին Քոսթները, սակայն, հայտարարում է, որ Բոլդուինն իր բաժնետոմսերը վաճառել է այն ժամանակ, երբ դեռ ոչինչ հայտնի չէր բրիտանական նավթային հսկայի հետ հնարավոր պայմանագրի մասին:
