ԱԺ նախկին պատգամավոր, ՀՖՖ նախագահ Ռուբեն Հայրապետյանն այժմ զբաղված է ֆուտբոլի ֆեդերացիայի եւ իր բիզնեսներով, հայտնել է Հայրապետյանի` ԱԺ-ում մնացած մերձավոր ընկերը: Այդ մասին գրում է «Հայկական ժամանակ» թերթը։

«Մեր թղթակցի հարցին` հնարավո՞ր է, որ Հայրապետյանը ՀՀ-ից հեռանա, ընկերը բացառող պատասխան է տվել, նաեւ բացառել է, որ նա առաջիկայում պաշտոն կստանա: Եվ այնուամենայնիվ, Հայրապետյանը մոտ ժամանակներս ստիպված կլինի մի քիչ շեղվել ՀՖՖ-ի եւ իր բիզնեսի գործերից: Նա պետք է աշխատի, որպեսզի Ավան համայնքն ընդգրկող երբեմնի իր` թիվ 1 ԸՏ-ից պատգամավոր դառնա Երեւանի քաղաքապետ Տարոն Մարգարյանի աներորդին` Ռոբերտ Սարգսյանը: Վերջինիս թեկնածությունը երեկ պաշտոնապես հաստատվել է ՀՀԿ գործադիր մարմնի նիստում»,- գրում է «Հայկական ժամանակը»: