Երեւանի քաղաքապետարանի աշխատակազմի շինարարության եւ բարեկարգման վարչության պետի տեղակալ Ֆելիքս Յայլոյանը լրագրողներ իհետ հանդիպման ժամանակ ներկայացրել է 2012 թվականի ընթացքում Երեւանի քաղաքապետարանի կողմից մայրաքաղաքում իրականացված լյանածավալ աշխատանքները:

Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե նշվել է, որ այս տարվա ծրագրերով մայրաքաղաքում կատարվել է 2 մլն ք/մ ընդհանուր ծավալով ասֆալտապատում, այդ թվում 40 փողոցներ հիմնանորոգվել են` վերականգնելով ինչպես ասֆալտբետոնե ծածկը, այնպես էլ կատարվել է դիտահորերի եւ մայթերի նորոգում, եզրաքարեր թարմացում: Հիմնանորոգման աշխատանքների շրջանակում նորոգվել են նաեւ կանգառագոտիներն ու հարակից հատվածները: Շուրջ 600 փողոցներում էլ կատարվել է մասնակի ասֆալտապատում, 1000 բակային եւ միջբակային հատվածներ եւս ասֆալտապատվել են: Նաեւ իրականացվել են փոսանորոգման եւ  փոսալցման աշխատանքներ,  մի շարք փողոցներ էլ, 330 գծամետր ծավալով, ճաքալցվել են: Անդրադառնալով ասֆալտապատման աշխատանքների որակի ապահովման հարցին` Ֆելիքս Յայլոյանը տեղեկացրել է, որ Երեւանի քաղաքապետ Տարոն Մարգարյանի հանձնարարությամբ աշխատանքների ընթացքում իրականացվել է մշտական հսկողություն: Ձեռնարկվել են նաեւ քայլեր կոնունիկացիոն ցանցերի  նորոգման ուղղությամբ` բացառելու համար  հետագայում քանդման թույլտվությունների տրամադրումը: Քաղաքապետի հանձնարարությամբ աշխատանքներն անորակ եւ թերի կատարած կազմակերպությունները պայմանգրային պարտավորությունների հիման վրա ի հայտ եկած թերությունները կվերացնեն իրենց միջոցներով:

«2012 թվականին Երեւանի քաղաքապետարանի բյուջեով շինարարության եւ բարեկարգման վարչությունն իրականացրել են մոտ 18.8 մլրդ դրամի շինբարեկարգման աշխատանքներ, այդ թվում միայն 10 մլրդ դրամի կատարել է ասֆալտապատաման աշխատանքներ, 8.8 մլրդ դրամի կատարվել է շինարարության բարեկարգման այլ տեսակի աշխատանքներ»,-նշել է Երեւանի քաղաքապետարանի աշխատակազմի շինարարության եւ բարեկարգման վարչության պետը:

Ճանապարհաշինական ծրագրերի շրջանակում շարունակվում են Ուլնեցու փողոցից Ռուբինյանց փողոց տանող 2.5 կմ երկարությամբ շրջանցիկ նոր ավոտճանապարհի, ինչպես նաեւ Լենինգրադյան փողոցը Իսակովի պողոտային կապող ավտոմայրուղու կառուցման աշխատանքները: 

Ջեռուցման համարկարգերով են ապահովել մայրաքաղաքի ջեռուցման համակարգեր չունեցող եւ թերի ջեռուցվող դպրոցները, հիմնանորոգվել են 26 մանկապարեզներ: Բարեկարգման ծրագրերով մաքրվել եւ վերանորոգվել են վարչական տարբեր շրջանների 137 շենքերի ճակատային հատվածներ, կառուցվել եւ բնակիչներին է հանձնվել մինի ֆուտբոլի 12 դաշտ:

Քարաթափման վտանգ ներկայացնող մայրաքաղաքի 13 հասցեներում, ըստ անհրաժեշտության, կատարվել են քարաթափման, ցանցապատման, հենապատերի բարձրացման եւ ամրացման աշխատանքներ: