Հոնդուրասի առափնյա իր շքեղ վիլայում շաբաթ օրը ձերբակալվել է նարկոբարոն Ամաուրի Սմիթ Պոմարեն, որին երկար ժամանակ փնտրում էր Կոլումբիայի ոստիկանությունը:

Ոստիկանությունում կարծում են, որ հենց Պոմարեն է պատասխանատու Կոլումբիայից Հոնդուրասով կոկաինի մատակարարման համար:

Ներկայումս որոշվում է  նարկոբարոնին Կոլումբիային արտահանձնելու հարցը: Որոշ տվյալներով, առաջիկայում նա հատուկ օդանավով կտեղափոխվի հայրենիք:

Պոմարեի վիլայում հայտնաբերվել են մեծ քանակությամբ զենք, թանկարժեք իրեր, բազմաթիվ մեքենաներ, հաղորդում է  «ՌԻԱ Նովոստին»: