նախընտրելի դարձնել
2012թ-ի ողջ ընթացքում ՀՀ ԱԻՆ Լոռիի մարզային փրկարարական վարչությունը սպասարկել է 811 արտակարգ դեպքեր` նախորդ տարվա 556-ի փոխարեն:
Այս մասին այսօր՝ հունվարի 23-ին տարեկան հաշվետվության ժամանակ հայտնեց մարզային փրկարարական վարչության պետ, փոխգնդապետ Հրաչ Անտոնյանը:
Արտակարգ դեպքերի հետևանքով հաշվետու ժամանակահատվածում զոհվել է 34, վնասվածքներ ստացել 338 քաղաքացի: Թեև ողջ տարվա ընթացքում գրանցված վիրավորների թիվն 112-ով ավելի է, քան 2011 թվականի ընթացքում գրանցված վիրավորներինը, փոխարենը 2012 թվականին քիչ են զոհերը՝ 34 քաղաքացի, նախորդ տարվա 55-ի փոխարեն:
Ի դեպ, NEWS.am-ի Լոռիի թղթակցի փոխանցմամբ, նշված դեպքերի գերակշռող մասը եղել են տեխնածին բնույթի՝ հիմնականում հրդեհներ, այնուհետ սոցիալ-կենցաղային բնույթի, որի հետևանքով մարզում զոհվել է 20 մարդ:
Այսպիսով, 2012 թվականին Լոռիի մարզի տարածքում գրանցվել է արտակարգ դեպքերի զգալի աճ:
Լուսանկարը ՝ Էդվարդ Արզումանյանի /NEWS.am
