Ղազախստանում հունվարի 28-ի երեկոյան ուժեղ երկրաշարժ է տեղի ունեցել: Երկրաշարժի ուժգնությունը 6,6 մագնիտուդ է եղել: Էպիկենտրոնը գտնվել է Ալմաթիից 225 կմ հարավ-արեւելք, հիպոկենտրոնը՝ 10 կմ խորությունում:  Ալմաթիում զգացվել են 4-5 բալ ուժգնությամբ ցնցումներ:

Ավելի ուշ նույն շրջանում գրանցվել են 4,5, 4,7 եւ 5,1 մագնիտուդ ուժգնությամբ ցնցումներ: Դրանք զգացվել են Կեգեն եւ Նարինկոլ բնակավայրերում, հայտնում է «ՌԻԱ Նովոստին»:

Հունվարի 28-ի լույս 29-ի գիշերը ճեպազրույցի ընթացքում Ալմաթիի արտակարգ իրավիճակների բաժնի պետի տեղակալ Նուրլան Մադյարովը հայտնել է, որ  ուժեղ երկրաշարժից հետո քաղաքում ավերածություններ չկան:

Ըստ սեյսմոլոգիայի ինստիտուտի տնօրեն  Տանատկան Աբականովի` էպիկենտրոնում ցնցումների ուժգնությունը կազմել է 7 բալ, իսկ Ալմաթիում`4 բալ:

Աբականովը նաեւ հայտնել է, որ հիմնական երկրաշարժից հետո գրանցվել են  նվազ ուժգնությամբ հետցնցումներ: Նա նշել է, որ դրանք կկրկնվեն  հաջորդ մի քանի օրերին: