Հայաստանի Ազգային անվտանգության խորհրդի քարտուղար Արթուր Բաղդասարյանը փետրվարի 12-ին ընդունել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Նիկոլայ Բորդյուժային:

Ազգային անվտանգության խորհրդի քարտուղարի մամուլի գրասենյակից NEWS.am-ին հայտնում են, որ քննարկվել են Հայաստան-ՀԱՊԿ համագործակցության հեռանկարները:

Առանձնահատուկ կարեւորվել է համագործակցությունը ռազմատեխնիկական, տեղեկատվական տեխնոլոգիաների ոլորտներում, թմրամիջոցների ապօրինի շրջանառության դեմ պայքարի գործում:

Քննարկվել են նաեւ ՀԱՊԿ տարեկան ծրագրով նախատեսված հարցեր: