Ժողովրդական ներկայացուցիչների համաչինական ժողովի (ԱՆՀԺ) պատգամավորների թվում 31 դոլարային միլիարդատեր կա։ Այս մասին հաղորդում է Financial Times-ը, որը ուսումնասիրել է Hurun Report ամսագրի՝  2013 թվականին կազմած հարուստ չինացիների վարկանիշային աղյուսակը։ Եւս 52 միլիարդատեր մտնում են Չինաստանի ազգային քաղաքական խորհրդատվական խորհուրդ (ՉԱՔԽԽ)՝ ՉԺՀ-ի ղեկավարության խորհրդատվական մարմին։

Ամենահարուստ խորհրդարանականը գործարար Ցուն Ցինհոուն է՝ Hangzhou Wahaha Group կոնցեռնի՝  զովացուցիչ ըմպելիքների արտադրողի հիմնադիրն ու ղեկավարը։  Ցունի ընտանիքի կարողությունը գնահատվում է  13 միլիարդ դոլար։

ՉԱՔԽԽ – ի ամենահարուստ անդամը Հոնգկոնգից Վիկտոր Լին է։ Նրա կարողությունը կազմում է  32 միլիարդ դոլար, նա  Ասիայի ամենահարուստ մարդու՝  Լի Կաշինի  (Li Ka-Shing) որդին է։

2012 թվականի հետ համեմատած ԱՆՀԺ–ում միլիարդատերերի քանակն ավելացել է իննով, գրում է «Լենտա.ռու»-ն։