նախընտրելի դարձնելՃապոնիայում Հայաստանի դեսպան Հրանտ Պողոսյանը Լաոսի մայրաքաղաք Վիենտյանում մասնակցել է դեպի ծով ելք չունեցող զարգացող երկրների տարածաշրջանային հանդիպմանը:
Հանդիպման նպատակն էր ամփոփել Ալմաթիի գործողությունների ծրագրի իրականացման արդյունավետությունը Եվրասիայի դեպի ծով ելք չունեցող երկրներում, գնահատել մարտահրավերներն ու մշակել առաջընթացի ուղիներ, մասնավորապես` այն ոլորտներում, որոնք հետագայում կընդգրկվեն նոր գործողությունների ծրագրում:
Հանդիպման արդյունքում ընդունվել է փաստաթուղթ «Վիենտյանի կոնսենսուս» (Vientiane Consensus), որը կներկայացվի այս տարվա ապրիլի 25-ից մայիսի 1-ը Բանգկոկում կայանալիք ՄԱԿ-ի Ասիայի եւ Խաղաղօվկիանոսյան տարածաշրջանի տնտեսական եւ սոցիալական հանձնաժողովի (UNESCAP) նստաշրջանին:
