Ապրիլի 28-ին, ժամը 03.00-ին, ոստիկանության ծառայողները Երեւանի Բագրատունյաց փողոցում գտնվող բենզալցակայանի մոտ, փողոցի ոչ երթեւեկելի մասում, նկատել են գետնին պառկած մի  քաղաքացու եւ նրա կողքին կանգնած եւս մեկին:

Ոստիկանության լրատվության վարչությունից հայտնում են, թե պարզվել է, որ առաջինը  43-ամյա Բագրատ Ս.-ն է, իսկ մյուսը` 28-ամյա Արտյոմ Ս.-ն: Բագրատ Ս.-ն հայտնել է, որ Արտյոմ Ս.-ն վիճաբանության ժամանակ ձեռքերով եւ ոտքերով հարվածներ է հասցրել իր մարմնի տարբեր մասերին ու պատճառել վնասվածքներ:

Վերջիններս հրավիրվել են բաժին:

Նշանակվել է դատաբժշկական փորձաքննություն:

Կատարվում է հետաքննություն: