նախընտրելի դարձնելՍահմանապահները հայտնաբերել են Ղրղըզստանի հյուսիսի Չույսի մարզում աղետի ենթարկված ամերիկյան КС-135 օդանավը: Ներկայումս դեպքի վայրում են գտնվում փրկարարները, հրշեջներին դեռեւս չի հաջողվել մինչեւ վերջ մեկուսացնել հրդեհը:
Առողջապահության նախարարության մամուլի ծառայությունից հայտնել են, որ աղետի վայրում, նախնական տվյալներով, դիակներ չեն հայտնաբերվել: Հնարավոր է, անձնակազմը կատապուլտվել է: Օդանավի անձնակազմի անդամների որոնումները շարունակվում են:
Ղրղըզստանի քաղավիացիայի դեպարտամենտից հայտնել են, որ նախնական վարկածով՝ օդանավի աղետի պատճառը կարող է լինել կայծակը:
Տեղի լրատվամիջոցները հայտնում են, որ օդանավի թեւն ընկել է Չույսի մարզի Չորգոլո գյուղի բնակիչներից մեկի բակը: Նախնական տվյալներով տունը պատկանում է գյուղի հովիվին:
