նախընտրելի դարձնելՀայաստանի նախագահ Սերժ Սարգսյանը պատվավոր կոչումներով պարգեւատրել է մի խումբ անձանց:
Նախագահի մամուլի գրասենյակից հայտնում են, թե, ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով եւ հիմք ընդունելով «Հայաստանի Հանրապետության պետական պարգեւների մասին» Հայաստանի Հանրապետության օրենքը, Սերժ Սարգսյանը որոշել է.
Հանրապետության տոնի առթիվ Հայաստանի Հանրապետության պատվավոր կոչումներ շնորհել.
Գիտության վաստակավոր գործչի՝
Սեդա Քերոբի Գասպարյանին` Երեւանի պետական համալսարանի ռոմանոգերմանական բանասիրության ֆակուլտետի անգլիական բանասիրության ամբիոնի վարիչ, բանասիրական գիտությունների դոկտոր, պրոֆեսոր
Վիլեն Պարույրի Հակոբյանին` ՀՀ ԳԱԱ բնական գիտությունների բաժանմունքի ակադեմիկոս-քարտուղար
Ժոզեֆ Ռեթեւոսի Փանոսյանին` Հայաստանի պետական ճարտարագիտական համալսարանի ֆիզիկայի ամբիոնի պրոֆեսոր, ֆիզիկամաթեմատիկական գիտությունների դոկտոր
Ժողովրդական արտիստի`
Հասմիկ Արարատի Լեյլոյանին` քանոնահարուհի, Երեւանի Կոմիտասի անվան պետական կոնսերվատորիայի դասախոս
Ժողովրդական նկարչի՝
Անատոլի Հակոբի Գրիգորյանին` գեղանկարիչ, Երեւանի գեղարվեստի պետական ակադեմիայի գեղարվեստի ամբիոնի վարիչ, պրոֆեսոր
Վաստակավոր արտիստի՝
Գրիգոր Ստեփանի Բաղդասարյանին` Երեւանի կամերային պետական թատրոնի դերասան
Նարինե Կառլենի Գրիգորյանին` Համազգային թատրոնի դերասանուհի
Հայկ Ավետիքի Մելիքյանին` դաշնակահար
Աննա Վլադիմիրի Շամցյանին (Բալանդինա) Կ. Ստանիսլավսկու անվան ռուսական պետական դրամատիկական թատրոնի դերասանուհի
Վարդուհի Հրաչիկի Ռուշանյանին` Ազգային կինոկենտրոնի Հ. Մալյանի անվան կինոդերասանի թատրոնի տնօրեն
Ժակելինա Սամվելի Սարխոշյանին` Ա. Սպենդիարյանի անվան օպերայի եւ բալետի ազգային ակադեմիական թատրոնի մենապարուհի
Վաստակավոր նկարչի՝
Վոլոդյա Սմբատի Աբրահամյանին` Փ. Թերլեմեզյանի անվան գեղարվեստի քոլեջի դասախոս
Աշոտ Հովհաննեսի Համբարձումյանին` Երեւանի Մ. Մկրտչյանի անվան արտիստական թատրոնի գլխավոր նկարիչ
Աննա Համլետի Հարությունյանին Ք. Քուշնարյանի անվան դպրոցի գեղարվեստի բաժնի ղեկավար
Ռաֆայել Արմենի Մելիքյանին` գեղանկարիչ
Արվեստի վաստակավոր գործչի՝
Սուսաննա Արամի Մարտիրոսյանին`Երեւանի Կոմիտասի անվան պետական կոնսերվատորիայի թիվ 1 վոկալ ամբիոնի վարիչ, պրոֆեսոր
Մշակույթի վաստակավոր գործչի՝
Գարեգին Խաչատուրի Անանյանին` Վանաձորի «Հորովել» երգիպարի անսամբլի գեղարվեստական ղեկավար եւ տնօրեն
Սարգիս Եղիազարի Բաղդասարյանին` «Ակունք» ազգագրական համույթի երգիչ
Քնարիկ Անդրանիկի Փիլոսյանին` Հանրային հեռուստատեսության երաժշտական խմբագիր:
