Թուրքական հասարակության մեջ մեծ արձագանք է գտել Ըսփարթայում կառուցված առանց մուտքի դռան հիվանդանոցը։

Թուրքական Haber7-ի փոխանցմամբ՝ Ըսփարթայի նախկին սրտաբանական կենտոնի տեղում կառուցված հիվանդանոցը հայտնվել է սոցցանցերում քննարկումների կենտրոնում։

Խնդիրն այն է, որ հիվանդանոցի առաջին հարկի կենտրոնում կառուցվել են աստիճաններ, կախվել է «Ըսփարթայի պետական հիվանդանոց» գրությունը, սակայն մուտքի դուռը չկա։  Այս ամենը զայրացնում է հիվանդանոցի այցելուներին, ովքեր իրենց զարմանքն են հայտնում՝ հարցնելով. «Պատուհանի՞ց ենք մտնելու»։

Նշվում է, որ հիվանդանոցի մուտքը կառուցվել է ոչ տեսանելի վայրում, որը նմանվում է լաբիրինթոսի։