Ավստրալացի գիտնականները հայտնաբերել են մարդու երջանկության բանաձեւը: Երջանիկ լինելու համար մարդուն միայն երեք բան է հարկավոր:

Հոգեբան Ռոբերտ Կամինսը պնդում է, որ ոչ բնակության վայրը, ոչ ազգությունը, ոչ երեխաների առկայությունը կամ բացակայությունը չի կարող խանգարել մարդկային երջանկությանը, եթե հետեւեն այդ երեք կանոններին: 

Անհրաժեշտ գործոններից մեկը փողն է: Ըստ պրոֆեսորի` երջանկության համար անհրաժեշտ փողի ծավալը կախված է երեխաների առկայությունից եւ բնակության վայրից: Գիտնականն արդյունքում  նշել է տարեկան 100 հազար դոլար գումար: Հաջորդը սիրելի մարդու առկայությունն է: Ընդ որում, փորձագետները նշում են, հաջող անձնական կյանքը փողից կարեւոր է, քանի որ այն տալիս է պաշտպանվածության եւ բարօրության զգացողություն, հայտնում է  utro.ru-ն` վկայակոչելով  The Times of India-ն:

Երջանկության հաջորդ բաղադրիչը սոցիալական ակտիվությունն է:

Ուսումնասիրությունը ցույց է տվել, որ երեխաների բացակայությունը, ավելորդ քաշը եւ առողջական խնդիրները մարդուն չեն խանգարում երջանիկ լինել: Պարզվել է, որ ավելորդ քաշ ունեցող  մարդիկ իրենց նորմալ են զգում: