նախընտրելի դարձնել
Ոստիկանները Սասունցի Դավթի փողոցի թիվ 1 հասցեի մոտից, հուլիսի 22-ին, գողություն կատարելու կասկածանքով, բերման են ենթարկել 57-ամյա Արամայիս Կ.-ին:
Ոստիկանության մամուլի ծառայությունից հայտնում են, որ խուզարկությամբ` նրա տաբատի գրպանից հայտնաբերվել է «Սամսունգ» տիպի բջջային հեռախոս եւ «Վիվա-Սել» բջջային օպերատորի «ալո» քարտ` կտրված:
Արամայիս Կ.-ն հայտնել է, որ բջջային հեռախոսը նույն օրը, ժամը 12.30-ի սահմաններում, գողացել է Սասունցի Դավթի հրապարակի ավտոկանգառում` անծանոթ կնոջ պայուսակից:
Ձեռնարկված օպերատիվ-հետախուզական միջոցառումների շնորհիվ պարզվել է, որ Արամայիս Կ.-ն նշված բջջային հեռախոսը գողացել է 28-ամյա Ռուզաննա Հ.-ի պայուսակից:
Կատարվում է հետաքննություն:
