Անհայտ քաղաքացին հուլիսի 23-ին, ժամը 20.25-ին,  ոստիկանության Երեւան քաղաքի վարչության օպերատիվ կառավարման կենտրոն  է զանգահարել եւ հայտնել, որ իր հարեւանը դանակով մտել է իր տուն եւ հարձակվել  իր վրա:

Ոստիկանության լրատվության վարչությունից հայտնում են, թե մեկնած օպերատիվ խումբը պարզել է, որ նույն օրը, ժամը 20.00-ի սահմաններում, 1959 թ. ծնված Վաչագան Խ.-ն, անհարգալից վերաբերմունք դրսեւորելով հարեւանների նկատմամբ, մոտ 30 րոպե խանգարել է Հասրաթյան փողոցի թիվ 6 շենքի բնակիչների հանգիստը` տալով   հայհոյանքներ ու կացնով հարվածել եւ վնասել է 1958 թ. ծնված Էմմա Ա.-ի բնակարանի մուտքի դուռը:

Ժամը 23.00-ին,  Վաչագան Խ.-ն հաղորդում է տվել ոստիկանությունում, որ Էմմա Ա.-ի ամուսինը` 1953 թ. ծնված Գեղամ Կ.-ն  անհիմն ծագած վիճաբանության ժամանակ, ձեռքով հարվածել է իր դեմքին: 

Նշանակվել են դատաբժշկական եւ ապրանքագիտական փորձաքննություններ:

Կատարվում է հետաքննություն: