նախընտրելի դարձնել
Բուսաբանական այգու դիմաց, ավտոտնակի 2-րդ հարկում գտնվող տնից գողություն է կատարվել:
Ոստիկանության մամուլի ծառայությունից հայտնում են, որ դեռեւս հունիսի 6-ին, ժամը 06.20-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել 22-ամյա Եկատերինա Ս.-ն եւ հայտնել, որ Բուսաբանական այգու դիմաց, ավտոտնակի 2-րդ հարկում գտնվող տնից գողություն է կատարվել:
Պարզվել է, որ նույն օրը, ժամը 02.30-ից 03.00-ն ընկած ժամանակահատվածում, 38-ամյա Սանասար Ս.-ին պատկանող տան 2-րդ հարկի ժամանակավոր կացարանի թիվ 415 սենյակի մուտքի դուռը տեխնիկական միջոցների գործադրմամբ բացելով` գողացել են ոսկյա զարդեր, էլեկտրատեխնիկա` պատճառելով մոտ 1.600.000 դրամի նյութական վնաս:
Ոստիկանության Ավանի բաժանմունքի ծառայողների ձեռնարկած օպերատիվ-հետախուզական եւ քննչական միջոցառումների շնորհիվ պարզվել է, որ գողությունը կատարել է 23-ամյա Ռաֆիկ Մ.-ն:
Ձեռնարկվում են միջոցառումներ Ռաֆիկ Մ.-ին հայտնաբերելու ուղղությամբ:
Գողոնը մասամբ առգրավված է:
Կատարվում է նախաքննություն:
