ՀՀ Ազգային վիճակագրական ծառայությունը երեկ հրապարակել է այս տարվա առաջին 6 ամիսների ընթացքում ՀՀ քաղաքացիների Հայաստանից մեկնման եւ Հայաստան ժամանման մասին պաշտոնական վիճակագրությունը, որը պարզապես սարսափելի է:

 Այս մասին գրում է «Հայկական ժամանակ» թերթն ու հավելում «Ըստ այդմ, նշված ժամանակահատվածում Հայաստանից մեկնել է 1 մլն 17 հազար եւ ժամանել 922 հազար ՀՀ քաղաքացի: Տարբերությունը, այսինքն՝ բացասական հաշվեկշիռը, կազմել է ավելի քան 123 հազար: Սա մոտ 30 տոկոսով գերազանցում է անցած տարվա նույն ցուցանիշը:

 Մինչեւ տարեվերջ բացասական հաշվեկշիռը որոշ չափով կնվազի շնորհիվ արտագնա աշխատանքի մեկնած մեր հայրենակիցների որոշ մասի վերադարձի:

Բայց, հաշվի առնելով նշված վիճակագրությունը, այսօր արդեն կարելի է պնդել, որ 2013-ին Հայաստանից արտագաղթած քաղաքացիների, թիվը կկազմի մոտ 80 հազար մարդ: Ակնհայտ է, որ Հայաստանից արտագաղթը սարսափելի տեմպերով աճում է:

Պաշտոնական տվյալներով, միայն վերջին 3 տարիներին ընթացքում ՀՀ-ից արտագաղթել է մոտ 200 հազար մարդ»,- գրում է «Հայկական ժամանակը» (Մանրամասները՝ թերթի այսօրվա համարում):