Russia Today հեռուստաալիքի գլխավոր խմբագիր Մարգարիտա Սիմոնյանը հայտնել է ԱՄՆ-ում Russia Today-ի հեռարձակումն արգելափակելու մասին: Նա օգոստոսի 30-ին այս մասին գրել է Twitter-ի իր միկրոբլոգում:

Գլխավոր խմբագիրը կատարվածը մեկնաբանել է «Կեցցե՛ խոսքի ազատությունը» արտահայտությամբ:  RT-ի հասցեն արգելափակվել է ամերիկյան Reddit կայքում, այդ մասին լուրը տեղադրել է ռեսուրսի մոդերատորներից մեկը: Կայքի ղեկավարությունն իր որոշումը մեկնաբանել էր սփամով եւ Russia Today- կողմից ձայների արհեստական շրջանառությամբ:

Հեռուստաալիքի արգելափակումը տեղի էր ունեցել կայքի հայտնի ֆորումներից մեկում, որը կոչվում է r/news: Մնացած էջերը եւ քննարկումները ռուսական լրատվամիջոցների համար բաց են, հաղորդում է KM.ru-ն:

RTnews-ն ունի մեկ միլիոն  օգտվող: Ֆորումի մոդերատորը նշել է, որ ըստ կանոնների, եթե հրապարակվող հղումների 10 տոկոսը մեկ դոմենի  են ուղղված, դոմենն անբարեխիղճ վարքի համար արգելափակվում է:  Սոցիալական լրատվական Reddit կայքում օգտվողները մասնակցում են տարբեր հրապարակումների, հղումների եւ պատկերների քննարկումների: Russia Today-ը շուրջօրյա է հեռարձակվում 2005թ.-ից: Այն ֆինանսավորվում է ռուսական բյուջեից եւ նախատեսված է անգլալեզու լսարանի համար: