նախընտրելի դարձնել
Սահմանադրական բարեփոխումների ամբողջ ծանրությունը ՀՀԿ-ի վրա է: Այս մասին սեպտեմբերի 3-ին կայացած մամուլի ասուլիսի ժամանակ հայտարարել է ՀՀԿ խորհրդարանական խմբակցության ղեկավար Գալուստ Սահակյանը:
«Սահմանադրական բարեփոխումների անհրաժեշտություն կա: Դա երկար գործընթաց է, որը կապված է հայեցակարգի մշակման եւ հանրության հետ փոփոխությունների քննարկման հետ: Սահմանադրական բարեփոխումների հարցերով հանձնաժողովը համագործակցելու է ինչպես քաղաքական ուժերի, այնպես էլ ՀԿ-ների հետ՝ նրանցից սահմանադրական բարեփոխումների վերաբերյալ առաջարկություններ ստանալով»,-հայտարարել է Սահակյանը, ընդգծելով, որ հանրության իրականացված աշխատանքի արդյունքում փաստաթուղթ կներկայացվի եւ հանրաքվե կանցկացվի:
Սահակյանը նաեւ ընդգծել է, որ դեմ է կառավարման խորհրդարանական համակարգին անցում կատարելուն, քանի որ դա շատ վտանգավոր է պետության համար. «Ես խորհրդարանական համակարգի կողմնակից չեմ: Դա իմ կարծիքն է»:
