Կուրիլյան կղզիների տարածքում հոկտեմբերի 1-ին ուժեղ երկրաշարժ է տեղի ունեցել: Չինական սեյսմագիտական կենտրոնը երեւանյան ժամանակով ժ. 07:38-ին տեղի ունեցած երկրաշարժի մագնիտուդը գնահատել է 7,1, հայտնում է ԻՏԱՌ-ՏԱՍՍ-ը:

ԱՄՆ-ի երկրաբանական ծառայությունը երկրաշարժի մագնիտուդը, որի էպիկենտրոնն  Օխոտի ծովում էր,  գնահատել է 6,4:

Ռուսաստանցի սեյսմագետները, ըստ «Ինտերֆաքսի», հոկտեմբերի 1-ին Օխոտի ծովում՝ Կամչատկայի արեւմտյան ափին, 5,0 մագնիտուդով երկրաշարժ են արձանագրել: Երկրաշարժի էպիկենտրոնը գտնվել է Կամչատկայի Պետրոպավլովսկից 360 կմ այն կողմ:

Կամչատկայի երկրեմասի բնակիչները մինչեւ 3 բալ ուժգնությամբ ցնցումներ են զգացել: Շենքերում կահույքը ցնցվել է:

Զոհեր եւ ավերածություններ  չկան, ցունամիի վտանգի նախազգուշացում չի եղել: