նախընտրելի դարձնել
«Ազատ Եվրոպա» ռադիոյի մոլդովական բյուրոյի լրագրող Վասիլի Բոտնարուն գինով նկարել է Ռուսաստանի գլխավոր սանիտարական բժիշկ Գենադի Օնիշչենկոյի դիմանկարը:
Ըստ լրագրողի՝ նկարը հանրությանը կներկայացվի առաջիկայում:
«Դիմանկարը պատրաստ է, բայց դեռ ոչ ոք չի տեսել, անգամ Օնիշչենկոն: Ամեն ինչ իր ժամանակն ունի», - ասել է Բոտնարուն ՝ հավելելով, որ այդկերպ ցանկանում է «Քիշնեւից սիրով դիմել Կրեմլին: Դեռ հայտնի չէ՝ նա մտադիր է դիմանկարը նվիրել «Ռոսպոտրեբնադզոր»-ի ղեկավարին, թե ոչ:
Լրագրողը նշել է, որ նկարում է «բացառապես տնական գինով՝ ավանդական բեսարաբիական տեսակի:
Նրա նկարները ցուցադրվել են Գերմանիայում, Չինաստանում եւ Էստոնիայում, հոկտեմբերին կներկայացվեն նաեւ Ֆրանսիայում, հայտնում է «Կոմսոմոլսկայա Պրավդան»:
Հիշեցնենք, սեպտեմբերի 10-ին «Ռոսպոտրեբնադզոր»-ը բեռնարգելք էր կիրառել մոլդովական գինու նկատմամբ՝ պատճառաբանելով անբավարար որակը: Քիշնեւում կարծում են, որ որոշումը քաղաքական ենթատեքստ ուներ եւ կապված էր Մաքսային միությանն անդամակցությունից Մոլդովայի հրաժարվելու հանգամանքով:
