Նոյեմբերի 13-ին, ժամը 01.00-ի սահմաններում, Երեւանի Մյասնիկյան պողոտայից Գայի պողոտա ընկած ճանապարահատվածում իրար են բախվել «Օպել» եւ «ԶԻԼ-130» մակնիշի ավտոմեքենաներ:

«Օպել»-ի ուղեւորուհին մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն: 

Ոստիկանության լրատվության վարչությունից հայտնում են, թե նոյեմբերի 13-ին, ժամը 00.30-ի սահմաններում, Երեւանի  Աթոյան եւ Բելինսկու փողոցների խաչմերուկում իրար են բախվել «ՎԱԶ-2106» եւ «Բի Այ Դի»  մակնիշի ավտոմեքենաներ: Պատահարի հետեւանքով վարորդները եւ «ՎԱԶ-2106»-ի ուղեւորը մարմնական վնասվածքներով տեղափոխվել են «Էրեբունի» բժշկական կենտրոն:

Նոյեմբերի 13-ին, ժամը 16.00-ին, Դավիթ Բեկի փողոցի թիվ 70 հասցեի մոտ իրար  են բախվել  «Օպել» մակնիշի երկու ավտոմեքենաներ: Պատահարի հետեւանքով ավտոմեքենաներից մեկի ուղեւորուհին մարմնական վնասվածքներով տեղափոխվել է «Էրեբունի» բժշկական կենտրոն:

Նոյեմբերի 13-ին, ժամը 19.30-ին, Երեւանի Արշակունյաց պողոտայի թիվ 17 հասցեի մոտ  «ՎԱԶ-21104»  մակնիշի ավտոմեքենայի վարորդը վրաերթի է ենթարկել 52-ամյա տղամարդու, որը մարմնական վնասվածքներով տեղափոխվել է «Էրեբունի» բժշկական կենտրոն:

Բոլոր դեպքերով կատարվում է քննություն: