նախընտրելի դարձնել
Հարավային Կորեայի զվարճանքների այգում տեղի է ունեցել պինգվինների սուրբծննդյան շքերթ:
Ինը պինգվիններ Սանտա Կլաուսի համազգեստով, իրենց վարժեցնողների ղեկավարությամբ, շրջել են Սեուլի արվարձանի Everland հանգստյան գոտու տարածքում:
Պինգվիններից բացի, երթին մասնակցել են նաեւ տոնական շորեր հագած աղվեսները: Վարժեցնողները նրանց գրկած են տարել:
«Մենք մեր կենդանիների հետ զբոսանքի ենք դուրս եկել՝ այգու հյուրերի Սուրբ ծնունդը շնորհավորելու նպատակով»,- ասել է վարժեցնող Սեո Դա Ենը:
Հաղորդվում է, որ պինգվին Սանտա Կլաուսները շքերթ կկազմակերպեն Everland այգու այցելուների համար ամեն օր՝ մինչեւ տարվա վերջ, հայտնում է ԻՏԱՌ-ՏԱՍՍ-ը՝ վկայակոչելով The Associated Press-ը:
