նախընտրելի դարձնել
Թուրքիայի վարչապետ Ռեջեփ Թայիփ Էրդողանը հայտարարել է, թե իր որդուն թիրախավորելով՝ փորձում են իրեն հարվածել։
Թուրքական Yeni Safak պարբերականի լրագրողի հետ զրույցում Թուրքիայի վարչապետ Ռեջեփ Թայիփ Էրդողանը, անդրադառնալով դեկտեմբերի 17-ին սկսած «մեծ կաշառք» գործողություններին, ասել է, թե օպերացիաների գլխավոր նպատակն ինքն է։
Իմ որդուն՝ Բիլալին են թիրախ դարձել, սակայն ուզում են ինձ հարվածել։ Այդ օպերացիաների գլխավոր նպատակը ես եմ»,-ասել է Էրդողանը։
Նշենք, որ վերջին շրջանում խիստ լարվել էին Էրդողան-Ֆեթհուլլահ Գյուլեն հարաբերությունները։ Այդ լարվածության գագաթնակետը եղավ դեկտեմբերի 17-ի «մեծ կաշառք» գործողությունները, որի ժամանակ ձերբակալվեցին 3 նախարարի որդիներ, խոշոր գործարարներ ու բարձրաստիճան պաշտոնյաներ։
Ավելի ուշ հրաժարական են տվել 3 նախարար, որից հետո հայտնի է դարձել, որ կառավարության կազմում 10 նախարար է փոխվելու։
