ՆախընտրելիԱզգային ժողովի ոչ կոալիցիոն 4 խմբակցությունները քննարկում են գազային համաձայնագրերի վերաբերյալ ՍԴ դիմելու հարցը: «Բարգավաճ Հայաստան» կուսակցության մամուլի քարտուղար Տիգրան Ուրիխանյանը NEWS.am-ի թղթակցի հետ զրույցում ասաց, որ ամենօրյա ռեժիմով խմբակցությունների ներկայացուցիչները հանդիպում եւ քննարկում են օրհասական հարցերը, այդ թվում՝ գազային համաձայնագրերը: «Այդ հարցը քննարկումների տիրույթում է, որոշումը նախապատրաստվում է, երբ այն կայացվեց, հընթացս սիրով կտեղեկացնենք»,-ասաց ԲՀԿ մամուլի խոսնակը:
Հիշեցնենք, ՌԴ նախագահ Վլադիմիր Պուտինի դեկտեմբերի 2-ի Հայաստան այցի ընթացքում երկու երկրների կառավարությունների միջեւ գազամատակարարման վերաբերյալ մի շարք համաձայնագրեր էին ստորագրվել: Դրանք ենթադրում են կուտակված պարտքի կեսը մարելու համար «ՀայՌուսգազարդ»-ի 20% բաժնեմասի փոխանցում «Գազպրոմ»-ին, ինչպես նաեւ Հայաստանին ներռուսական գներով գազի մատակարարում:
