Հայաստանի ԱԻՆ-ում, այսօր՝ հունվարի 30-ին, ժամը 11.43-ին ահազանգ է ստացվել, որ միջպետական Մ-3 ավտոճանապարհի Ապարան-Վարդենիս հատվածում (8-րդ կմ) ավտոմեքենան դուրս է եկել երթեւեկելի հատվածից եւ սահել ձորը. դուրս բերելու համար անհրաժեշտ է օգնություն (տուժածներ չկան):

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Հրշեջ-փրկարարները ձորից դուրս են բերել «ԳԱԶ-3110» մակնիշի 67 UL 086 համարանիշի ավտոմեքենան (վարորդ` Ա. Կ.):