նախընտրելի դարձնելՏարածքային տնտեսական ինտեգրացիայի հարցերով Ռուսաստանի նախագահի խորհրդական Սերգեյ Գլազեւը կարծում է, որ ազգությամբ լեհ ամերիկացի քաղաքագետ, ԱՄՆ նախագահ Ջիմի Քարտերի՝ ազգային անվտանգության հարցերով նախկին խորհրդական Զբիգնեւ Բժեզինսկին ռուսաֆոբիայի ծայրահեղ աստիճանով է տառապում ու նրա տեղը հոգեբուժարանն է:
Այս մասին նա ասել է «Գազպրոմ» կորպորատիվ ամսագրին տված հարցազրույցում, փոխանցում է ՈՒՆԻԱՆ-ը:
Ըստ նրա՝ Բժեզինսկիի գրքերում հրապարակված մտքերը ԱՄՆ արտաքին-քաղաքական առաջնայնությունների որոշման հարցում անկարեւոր չեն ու բազմաթիվ ամերիկացի պաշտոնյաների մտածելակերպի մոդել են:
Հիշեցնենք, որ հունվարի 28-ին Բժեզինսկին իր Twitter-ում գրել է. «Ռուսներ, արթնացեք: Մոսկվայի կողմից Ուկրաինայում բռնությունների աջակցությունը կավերի Ռուսաստանը»:
