նախընտրելի դարձնելԽորհրդարանի նոր հաշվիչ հանձնաժողովը ձեւավորվել է առանց խորհրդարանական ոչ կոալիցիոն չորս ուժերի պատգամավորների մասնակցության: Այս մասին NEWS.am-ին հայտնել է ՀՀԿ-ական պատգամավոր, խորհրդարանի հաշվիչ հանձնաժողովի նախագահ Սուքիաս Ավետիսյանը:
Ըստ նրա՝ հաշվիչ հանձնաժողովում կա վեց մարդ՝ ՀՀԿ-ից Սուքիաս Ավետիսյանը, Մկրտիչ Մինասյանը, Արայիկ Հովհաննիսյանը, Տաճատ Վարդապետյանը, Արմեն Կարապետյանը եւ «Օրինաց երկրից» Իշխան Խաչատրյանը:
Ավետիսյանը նաեւ նշել է, որ ըստ օրենքի՝ հաշվիչ հանձնաժողովի աշխատանքին մասնակցելուց հրաժարված ոչ կոալիցիոն չորս խորհրդարանական ուժերի պատգամավորներին հնարավոր չէ փոխարինել ՀՀԿ-ի կամ ՝ «Օրինաց երկրի» պատգամավորներով: «Ինչպես եւ բոլոր խորհրդարանական հանձնաժողովներում, եթե ընդդիմադիր խմբակցությունները հրաժարվում են մասնակցել դրանց աշխատանքներին, այն շարունակում է գործել արդեն հաստատված կազմով: Ըստ խորհրդարանի կանոնակարգի՝ հաշվիչ հանձնաժողովը հաստատում է քվեարկության արդյունքները ձայների մեծամասնությամբ, իսկ վեց հոգին 11 անդամների պարագայում մեծամասնություն են»:
Հիշեցնենք, որ փետրվարի սկզբին խորհրդարանի հաշվիչ հանձնաժողով կազմելու կարգում փոփոխություն էր մտցվել, ըստ որի՝ հանձնաժողովի անդամների թիվը 7-ից դարձել էր 11: Այդ փոփոխությամբ ՀՀԿ-ն հաշվիչ հանձնաժողովում ստացել էր հինգ տեղ, իշխող կոալիցիան՝ մեծամասնությունը: Ավելի վաղ մյուս կուսակցությունները փորձել էին հանձնաժողովն իրենց ձեռքը վերցնել:
