Նախընտրելի«Ղ-Տելեկոմ» (ՎիվաՍել-ՄՏՍ ապրանքանիշ), «ԱրմենՏել» եւ «Օրանժ Արմենիա» ընկերությունները խիստ նախազգուշացվել են ՀՀ Տնտեսական մրցակցության պաշտպանության պետական հանձնաժողովի կողմից:
Հանձնաժողովը ուսումնասիրել է USB-մոդեմի միջոցով մատուցվող ինտերնետ ծառայությունները: Պարզվել է, որ նշված ընկերությունները բաժանորդներից գանձում են վճարներ նույնիսկ այն ժամանակ, երբ նրանք ինտերնետից փաստացի չեն օգտվում:
ՏՄՊՊՀ դիտարկմամբ` ընկերությունները խախտում են օրենսդրության «Չկա ծառայություն` չկա վճար» սկզբունքը: Իսկ մոդեմը ձեռք բերելիս՝ բաժանորդները չեն տեղեկացվում, որ պարտավոր են վճարել կապի համար նույնիսկ այն ժամանակ, երբառժամանակ դադարում են դրանից օգտվել:
ՏՄՊՊՀ-ը բացահայտել է նաեւ, որ որոշակի բարդություններ են առաջանում նաեւ այն դեպքում, երբ բաժանորդները դիմում են պայմանագիրը լուծարելու համար: Այս գործընթացը հաճախ ընկերությունների կողմից արհեստականորեն երկարացվում է: Արդյունքում վերջինները ստանում են եկամուտներ այն դեպքում, երբ իրենց կողմից որեւէ ծառայություն չի մատուցվել:
Բաժանորդը պետք է վճարի միայն փաստացի օգտագործած ծառայության համար, ինչը օրենքի պահանջ է: ՏՄՊՊՀ որոշմամբ «Ղ-Տելեկոմ», «ԱրմենՏել» եւ «Օրանժ Արմենիա» ընկերությունները ստացան խիստ նախազգուշացում՝ խախտումը վերացնելու հանձնարարականով:
