նախընտրելի դարձնել
Վերջին տվյալներով՝ Պակիստանի Լահոր քաղաքում մզկիթի փլուզման հետեւանքով զոհվել է 24 մարդ, հայտնում է «ՌԻԱ Նովոստին»: Նախկինում նշվել էր 9 զոհի մասին:
Դեպքը կատարվել էր սեպտեմբերի 9-ին՝ աղոթքի պահին: Շենքի ներսում փլուզման պահին եղել էր շուրջ 40 մարդ:
Փրկարարները ներկայումս փորձում են փլատակների տակից հանել մարդկանց, բնակիչները օգնում են նրանց: Ծանր տեխնիկայի մուտքը դժվարացնում են մզկիթ տանող նեղ անցուղիները:
Ենթադրվում է՝ մզկիթի տանիքը կարող էր փլուզվել տեղատարափ անձրեւների հետեւանքով, որոնք վերջին շաբաթվա ընթացքում չէին դադարում:
Վերջին հինգ օրում Պակիստանի հյուսիս-արեւելքում առնվազն 205 մարդ զոհվել էր հորդառատ անձրեւների առաջացրած ուժեղ ջրհեղեղի արդյունքում:
