նախընտրելի դարձնելՀԱՊԿ անդամ երկրները մտադիր են խորացնել պաշտպանա-արդյունաբերական համալիրի ձեռնարկությունների ինտեգրումը, փոխանցում է «ՌԻԱ Նովոստին»՝ վկայակոչելով կազմակերպության գլխավոր քարտուղարի տեղակալ Վալերի Սեմերիկովին:
«Մենք քննարկել ենք, թե ինչպես անենք, որ համագործակցային կապերն ավելի գործուն լինեն», - ասել է նա: Սեմերիկովի խոսքով՝ ՀԱՊԿ անդամ երկրների պաշտպանա-արդյունաբերական ձեռնարկությունների համագործակցության ծրագիրն արդեն մշակված է:
ՀԱՊԿ գլխավոր քարտուղարի տեղակալը հայտարարել է նաեւ ռազմարդյունաբերական ոլորտում ներկրման խնդիրների լուծման կարեւորության մասին: Ըստ Սեմերիկովի` նիստին կողմերը քննարկել են ռազմատեխնիկայի վերանորոգման եւ տեխզննման համար սպասարկման կենտրոնների եւ համատեղ ձեռնարկությունների ստեղծման եւ զարգացման հարցը:
ՀԱՊԿ անդամ երկրները քննարկել են նաեւ առաջիկայում երկրների ռազմատնտեսական համագործակցության նախագիծը: Սեմերիկովը հույս է հայտնել, որ շուտով այն հնարավոր կլինի ներկայացնել ՀԱՊԿ պետությունների նախագահների քննարկմանը:
