նախընտրելի դարձնել
Ուկրաինայի վարչապետ Արսենի Յացենյուկը ՈՒԱԽ-ին հանձնարարել է պարզել երկրում ածխի շուկայի վերաբաշխման հետ կապված իրադրությունը, փոխանցում է «Ինտերֆաքս Ուկրաինան»:
«Ես ՈՒԱԽ-ին խնդրում եմ անհապաղ պարզել իրավիճակը՝ ով է կանգնած ածխի շուկայի վերաբաշխման հետեւում, քանի որ սա պետության ազգային անվտանգության հարցն է», - ասել է Յացենյուկը: Նա ընդգծել է, որ հաշվի առնելով Գլխավոր դատախազության սկսած ստուգումը՝ ներկայումս Ուկրաինան կորցրել է ածուխ գնելու հնարավորությունը, բացառությամբ Ռուսաստանից, Դոնեցկից եւ Լուգանսկից:
Աղբյուրը հիշեցնում է, որ Գլխավոր դատախազությունը արդեն հարցաքննել է երկրի ածխայրդյունաբերական ընկերություններին՝ ՀԱՀ-ից ածուխ գնելու քննության եւ ներկայումս Կիեւին ոչ ենթակա տարածքներում ածխային ձեռնարկությունների ֆինանսավորման շրջանակում: Այդ քննության պատճառով ՀԱՀ-ի ածուխը վաճառող բրիտանական Steel Mont Trading Ltd ընկերությունը հրաժարվել է նախկինում կնքված պայմանագրի շրջանակում հետագա մատակարարումներից՝ չվճարելու կամ բեռան արգելափակման վտանգի պատճառով:
Ածխի դեֆիցիտը Ուկրաինայում ծագել է Դոնբասում հակամարտության պատճառով, որտեղ ածուխ էր արդյունահանվում:
