նախընտրելի դարձնելԱմենահիմար լուսանկարների շարքում ընդգրկվել են ինքնանկարներ՝ արված սգո արարողության, այրվող շինության եւ կամրջի ֆոնին, որի վրա ինքնասպանության պատրաստվողներ էին կանգնած:
Ընտրանին հրապարակել է The Daily Mail պարբերականը: Հեղինակները սելֆին անվանում են իր տեսակի մեջ ինքնատիպ մշակութային ֆենոմեն: Նաեւ նշվում է, որ հաճախ ինքնանկարվողները կարող են հիմար վիճակում հայտնվել. այդ նկարների ֆոնը հաճախ չի համապատասխանում նկարվողի դեմքի ուրախ արտահայտությանը:
Ցանցում նման հիմար լուսանկարները մեծ թվով «լայքեր» են հավաքում, բայց դրանց հեղինակներին մեկնաբանություններում այնքան էլ լավ լույսի տակ չեն հիշատակում: Օգտատերերը սելֆիի սիրահարներին քննադատում են ճաշակի եւ տակտի զգացողության բացակայության համար, փոխանցում է Lifenews-ը:
Հաճախ սմարթֆոն ունեցողները գերադասում են սելֆի անել՝ իրական գործողություններ ձեռնարկելու փոխարեն: Օրինակ լուսանկարվում են խեղդվողի կամ օդանավի բեկորների ֆոնին՝ փոխանակ ողջ մնացածներին օգնություն ցուցաբերեն:
Վրդովմունքի ալիք են բարձրացնում Ցանցում եղբայրական գերեզմանների, Հոլոքոստի զոհերի հուշարձանի եւ նման այլ օբյեկտների ֆոնին արված ինքնանկարները:
