նախընտրելի դարձնել
Զինվորական պարտականությունները կատարելիս՝ հակառակորդի կողմից հրազենային վնասվածք ստացած ժամկետային զինծառայող Գեւորգ Եղիազարյանի բուժման համար գումար կհավաքի նաեւ կառավարությունը: Այս մասին այսօր՝ ապրիլի 30-ին, կառավարության նիստում հայտարարել է վարչապետ Հովիկ Աբրահամյանը:
«Մեր քաղաքացիները սկսել են գումար հավաքել Գեւորգին օգնելու համար: Մենք ողջունում ենք այդ նախաձեռնությունը եւ շնորհակալություն հայտնում բոլորին: Մենք նույնպես մտադիր ենք աջակցություն ունենալ այդ հարցում»,-ասել է Աբրահամյանը:
Նշենք, որ վիրավորված զինծառայողի բուժման համար 56 հազար ԱՄՆ դոլար է անհրաժեշտ: Գումարի մեծ մասը՝ 40 հազար ԱՄՆ դոլարը, հավաքվել է:
Հիշեցնենք, որ Գեւորգ Եղիազարյանը վիրավորվել է 2011թ. դեկտեմբերի 27-ին, վնասվել է նրա ողերն ու ողնաշարը: Արդեն 3 տարի զինծառայողը տեղաշարժվել չի կարողանում: Հարազատների խոսքով՝ նրա բուժումը հնարավոր է միայն Իսրայելում:
Գեւորգ Եղիազարյանին օգնելու համար Յունիբանկ-ում բացվել է հաշվեհամար հոր՝ Էդիկ Եղիազարյանի անունով:
AMD 24100321447500
USD 24100321447501
EUR 24100321447502
Gofundme կայքում նույնպես հաշվեհամար է բացվելով՝ դրամական փոխանցումներ կատարելու համար:
