Հայաստանում խաղատներին կպարտադրեն եկամտի մասին հաշվետվություններ ներկայացնել։ Այս մասին համապատասխան որոշումը ընդունվել է ՀՀ Կառավարության՝ ապրիլի 30-ին կայացած նիստում։

Ինչպես նշել է ՀՀ ֆինանսների նախարար Գագիկ Խաչատրյանը, ընկերության ամենամսյա հաշվետվության մեջ պետք է նշված լինեն ամերիկյան պտուտախաղից (ռուլետկա), բլեքջեքից եւ պոկերից ստացած եկամուտները։ Ինչպես նշվում է հիմնավորման մեջ, այս պահին խաղային բիզնեսի ֆինանսական հոսքերը չեն վերահսկվում անհրաժեշտ ճշգրտությամբ, ինչը հնարավորություն չի տալիս հետեւել նրանց գործունեությանը։

Հիշեցնենք, Հայաստանում խաղատները մինչ օրս ոչ թե հասույթից են հարկ վճարում, այլ ֆիքսված տուրք՝ ըստ խաղասեղանների եւ ավտոմատների։