ՆախընտրելիԵԱՀԿ-ի խորհրդարանական վեհաժողովի նախագահ Պետրոս Էֆտիմիուն աշնան սկզբին հնարավոր է այցելի Ադրբեջան: Այս մասին հայտնել է Ադրբեջանի Միլլի Մեջլիսի ագրարային քաղաքականության հարցով կոմիտեի նախագահ, ԵԱՀԿ-ի խորհրդարանական վեհաժողովում ադրբեջանական պատվիրակության անդամ՝ Էլդար Իբրահիմովը: «ԵԱՀԿ խորհրդարանական վեհաժողովի նախագահի ընտրություններից հետո Պետրոս Էֆտիմիուն հայտնել է ինձ՝ սեպտեմբերին Բաքու այցելելու իր մտադրության մասին: Կկայանա այդ այցը, թե ոչ, ստույգ չեմ կարող ասել, սակայն նա հայտարարել է, որ կփորձի իրականացնել այն»,-նշել է պաշտոնյան: Նա նաեւ հավելել է, որ իրեն ուրախացնում է այն փաստը, որ ԵԱՀԿ-ի խորհրդարանական վեհաժողովի նոր նախագահ է ընտրվել հենց Պետրոս Էֆտիմիուն, ում թեկնածությունը պաշտպանել է ադրբեջանական պատվիրակությունը:
Հիշեցնենք, որ Պետրոս Էֆտիմիուից առաջ ԵԱՀԿ նախագահը Ժոաո Սոարեշն էր:
