նախընտրելի դարձնել
Բելգիայի խորհրդարանի Քրիստոնեա-դեմոկրատական կուսակցությունը Հայոց ցեղասպանության ժխտման համար իր շարքերից հեռացրել է թուրքական ծագմամբ պատգամավոր Մահինուր Էզդեմիրին: Այս մասին հաղորդում է բելգիական Knack պարբերականը:
«Տիկին Էզդեմիրը հրաժարվում է ճանաչել Հայոց ցեղասպանությունը, ինչը դեմ է մեր արժեքներին: Այստեղ խուսափողական դիրքորոշումն անհնար է. առավելագույն հստակություն է անհրաժեշտ»,- ասված է կուսակցության հայտարարությունում:
Ավելի վաղ կուսակցության նախագահ Բենուա Լյուտգենը հայտարարել էր, որ եթե կուսակցությունում ցեղասպանությունը ժխտողներ լինեն, նրան անմիջապես կհեռացնեն:
Հայոց ցեղասպանության ճանաչումը Քրիստոնեա-դեմոկրատական կուսակցության արժեհամակարգի կարեւորագույն սկզբունքներից է համարվում:
