նախընտրելի դարձնել
Մայիսյան գյուղից դեպի Քեթի տանող հատվածում՝ սարերի տակ՝ իր իսկ մեքենայի մեջ, հայտնաբերվել է Մայիսյան գյուղի բնակիչ, 28-ամյա Լեւոն Սերոբյանի դին:Այս մասին NEWS.am-ի թղթակցի հետ զրույցում ասաց Մայիսյանի գյուղապետ Հակոբ Բաղդասարյանը:
Նա նշեց, որ առավոտյան երիտասարդը դուրս է եկել տնից, երբ չի վերադարձել, սկսել են փնտրել, արդեն գիշերը հայտնաբերել են նրան: Հարազատների մտքով անցել է, թե սպանություն է, բայց դիահերձումից հետո հայտնել են, թե հանկարծամահություն է:
Գյուղապետից տեղեկացանք, որ Լեւոն Սերոբյանը ամուսնացած չէ, երեք եղբայր են ընտանիքում, ապրում են նորմալ սոցիալական պայմաններում: Մահացածը զբաղվում էր տարբեր աշխատանքներով, մեկնել էր արտագնա աշխատանքի ՌԴ, այնուհետեւ զբաղվում էր գյուղատնտեսությամբ եւ այլն: Հակոբ Բաղդասարյանն ասաց, որ դիակի վրա բռնության հետքեր չեն եղել, երիտասարդն էլ նորմալ, շնորհքով ընտանիքից է, թշնամիներ չունեն:
