Անգելա Մերկելը դարձել է  ԼԳԲՏ-հանրության համար նախատեսված սադրիչ ամսագրի կերպար: Նոր Straight ամսագրի տեսահոլովակում Անգելա Մերկելին նման գլխավոր հերոսուհին համբուրվում է երիտասարդ սիրուհու հետ:

Սև-սպիտակ տեսահոլովակում Մերկելին նման կինը մեջքով կանգնած է պատուհանի մոտ: Ռադիոռեպորտաժ է հնչում, որ եվրոպացիների 60%-ը հավանություն է տալիս գեյ-ամուսնություններին՝ հաղորդում է BBC-ին: 

Մերկելին նման կինը նեղված թափ է տալիս գլուխը: Այդ պահին նրան գրկում է գիշերազգեստով մի կին: Զույգը համբուրվում է:

Տեսահոլովակը հրապարակվել է ամսագրի թվիթերյան էջում:  Թվիթերում տեսահոլովակը հայտնվել է «Աշխարհում բոլորն ատում են Մերկելին, բացի այս կնոջից» վերնագրով:

Ավելի վաղ Անգելա Մերկելը հարցազրույցում հայտարարել էր, որ իր համար ամուսնությունը միշտ լինելու է բացառապես կնոջ և տղամարդու միություն: