Գերնսիից Լոնդոն ուղեւորվող ինքնաթիռը Գատվիկ օդանավակայանում վայրէջքի  պահին կայծակի հարված է ստացել։

Aurigny ավիաընկերության ինքնաթիռը  հորդառատ անձրեւի տակ էր ընկել Լոնդոնի ժամանակով մոտավորապես 11.15-ին։  GR605  չվերթի ինքնաթիռը կարողացավ առանց պատահարների վայրէջք կատարել, տեղի ունեցածի հետեւանքով ոչ ոք չի տուժել։ 

«Դիսպետչերական ծառայությունը վայրէջքի թույլտվություն է տվել, եւ նմանատիպ պայմաններում աշխատող ոչ մի ուրիշ  ինքնաթիռ չի տուժել։ Մեր ինքնաթիռը նորմալ վայրէջք է կատարել, ոչ ոք վնասվածք չի ստացել», - պատմել է ավիաընկերության ներկայացուցիչը, փոխանցում է BBC-ի ռուսական ծառայությունը։ 

Ներկայումս ինժեներներն ուսումնասիրում են ինքնաթիռը, որն աննշան վնասվածքներ է ստացել։

Ուժեղ անձրեւներ են դիտարկվում Անգլիայի տարածքի մեծ մասում՝ հեռահաղորդակցության խնդիրներ առաջացնելով։