նախընտրելի դարձնել
Սահմանադրական բարեփոխումների վերաբերյալ սեպտեմբերի 7-ին Ազգային ժողովում արտահերթ նիստ չի հրավիրվելու: Այս մասին NEWS.am-ի թղթակցին ասաց ԱԺ ՀՀԿ խմբակցության ղեկավար Վահրամ Բաղդասարյանը:
Նա նշեց, որ Սահմանադրության նոր նախագիծը քննարկվելու է սեպտեմբերի 14-ին՝ աշնանային նստաշրջանի առաջին քառօրյային:
Նշենք, որ արտահերթ նիստ հրավիրվելու մասին օգոստոսի 19-ին գրել էր «Ժամանակ» թերթը:
Հիշեցնենք, որ արդեն հրապարակվել են Սահմանադրության նոր նախագծի 1-15-րդ գլուխները: Նախագծով նախատեսվում է անցում կատարել կառավարման խորհրդարանական համակարգին:
Առաջիկա օրերին նախագիծը կուղարկվի Հանրապետության նախագահին: Վերջինիս ստորագրելուց հետո այն արդեն քննարկման կդրվի Ազգային ժողովում:
