Օգոստոսի 20-ին բորսայական առք ու վաճառքի ընթացքում նմուշային Brent ապրանքանիշի գինը գերազանցել է վեցամյա նվազագույն ցուցանիշները: Երեւանի ժամանակով 16:05-ին հյուսիսծովյան նավթի մեկ բարելն արժեր  46,32 դոլար` սրանից ցածր այս նավթը գնահատվել էր  2009-ի մարտին  (45,11 դոլար): Դրանից հետո նավթը մի քանի տարի շարունակ թանկացել է: Այդ մասին է վկայում լոնդոնյան  ICE բորսայի տեղեկատվությունը, հաղորդում է Lenta.ru-ն:

Այդ ֆոնի վրա շարունակվում է ռուբլու թուլացումը: Դոլարն արժե   67,36 ռուբլի  (մեկ օրվա ընթացքում 69 կոպեկով թանկացել է), եվրոն — 75,34 (գումարած 1,18 ռուբլի): Օգոստոսի 21-ին ամերիկյան տարադրամի պաշտոնական փոխարժեքը  66,96 է, միասնական եվրոպականինը — 74,47:

Նավթը սկսել է կտրուկ էժանանալ օգոստոսի 19-ին ԱՄՆ-ի ածխաջրածինների պահուստների առկայության վերաբերյալ վիճակագրության հրապարակումից հետո: Այդ պահուստներն աճել են  2,6 միլիոն բարելով` մինչեւ 456,2 միլիոն: