Քաղաքաշինության նախարար  Նարեկ Սարգսյանը վստահեցնում է, որ 2016 թվականին սպասվող տնտեսական ծանր վիճակը չի խոչընդոտի «Ֆիրդուսի» շուկայի  տարածքի  կառուցապատման  ծրագրին: Այս մասին նա  հայտնել է NEWS.am-ի թղթակցի հետ զրույցում:

«Ֆիրդուսը  գործընթացների մեջ է, այս պահին բնակիչների խնդիրներով ենք զբաղված եւ շատ ակտիվ ներդրողների հետ ենք աշխատում, կարծում եմ` մինչեւ տարվա վերջ այդ մասով արդեն հստակություն կլինի»,-ասել է նախարարը:

Հարցին, թե տնտեսական մռայլ կանխատեսումներն ինչպե՞ս կարող են անդրադառնալ այդ  ծրագրի վրա, նախարարը մանրամասնել է. «Հակառակը կարող եմ ասել, որ այս պահին նույնիսկ բանակցում ենք  տարբեր ներդրողների հետ: Արաբական Միացյալ Էմիրություններից խումբ կա, Ռուսաստանից, նաեւ տեղական ներդրողներ կան: Ես կարծում եմ`  դեկտեմբերի 2-րդ կեսին արդյունքը կերեւա: Այսինքն պայմանագրեր կնքվեն ու կսկսվի շինարարությունը»։