Նախընտրելի
Չինաստանի հարավ-արեւմուտքում հնագույն դեղձերի կորիզներ են հայտնաբերել: Այդ մրգերը, պարզվել է, 2,5 մլն տարեկան են եւ ի հայտ են եկել այդ տարածքում մարդկանց հայտնվելուց առաջ:
Գտածոներն իրենց ձեւով չեն տարբերվում ժամանակակից կորիզներից, սակայն չափերով այդ մրգերը խիստ զիջել են խանութներում վաճառվող դեղձերին. դրանց տրամագիծը 5 սանտիմետրից ավելի չի եղել, կարծում են գիտնականները:
Կորիզները հայտնաբերել էին 2010-ին` Յունան նահանգում ճանապարհի շինարարության ժամանակ: Դրանք հողի այնպիսի շերտում էին, որը վերագրվում է պլիոցենի ժամանակաշրջանին (5,3-2,6 մլն տարի առաջ): Բայց այնքան նման էին ժամանակակից կորիզների, որ տեղացի կենսաբանը այն ԱՄՆ-էր ուղարկել` ուսումնասիրելու: Գիտնականները պարզել են, որ կորիզի ներսում միջուկը երկաթով է փոխարինվել, իսկ կեղեւը վերաբյուրեղացել է, ինչը մեծ հնության նշան է, տեղեկացնում է Lenta-ն:
Չինաստանում դեղձի 8 հազար տարեկան կորիզներ հայտնաբերվել էին նեոլիթի շրջանի բնակավայրերում (օրինակ` Չժեցզյան նահանգում):
Նոր բացահայտումը հուշում է, որ դեղձը էվոլյուցիա է ապրել ոչ միայն բնական ընտրության շրջանակում, այլեւ` մարդու ազդեցությամբ: Հավանական է, որ այդ մրգերը սննդային արժեքավոր ռեսուրս էին խոշոր պրիմատների, այդ թվում նաեւ` վերացած Homo erectus-ի համար:
