նախընտրելի դարձնելՀՀ տարածքային կառավարման եւ արտակարգ իրավիճակների նախարարությունը տեղեկացնում է, որ հունվարի 5-ի ժամը 23.00-ի դրությամբ ՀՀ տարածքում ավտոճանապարհները հիմնականում անցանելի են:
Փակ են Սոթք-Քարվաճառ, Բերդ-Ճամբարակ ավտոճանապարհները եւ Վարդենյաց լեռնանցքը:
Դժվարանցանելի են Ուրասար-Կաթնաղբյուր, Տաշիր-Պրիվոլնոյե, Ձիթանկով-Քարաբերդ, Մեղրի-Կապան, Գորիս-Կապան, Գորիս-Սիսիան, Սիսիան-Զանգեր, Գեղարքունիքի մարզի ավտոճանապարհները, Տիգրանաշենի, Դիլիջանի եւ Ոսկեպարի ոլորանները:
Արագածոտնի մարզի ավտոճանապարհներին տեղ-տեղ առկա է մերկասառույց, Ապարան-Քուչակ ավտոճանապարհին եւ Գորիս - Սիսիան ավտոճանապարհին առկա է բուք:
Շիրակի, Լոռու մարզերում, Արագածոտնի մարզի Ապարան, Աշտարակ, Կոտայքի մարզի Չարենցավան, Աբովյան, Հրազդան, Սյունիքի մարզի Սիսիան, Վայոց Ձորի մարզի Ջերմուկ քաղաքներում եւ Սարավան գյուղում առկա են տեղումներ ձյան տեսքով:
Գեղարքունիքի մարզում առկա է բուք:
ՀՀ տարածքում բոլոր ավտոճանապարհներին տեղ-տեղ առկա է մերկասառույց:
ՃՇՇ աշխատակիցների կողմից իրականացվում են ճանապարհների մշակման եւ մաքրման աշխատանքներ:
ՀՀ ՏԿԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթեւեկել միայն խիստ անհրաժեշտության դեպքում` ձմեռային անվադողերով:
Ի կատարումն ՀՀ ՏԿԱԻ նախարարի հրամանի՝ նախարարության բոլոր հերթապահ ստորաբաժանումները 2015 թ.-ի դեկտեմբերի 25-ից իրենց ծառայությունն իրականացնում են ուժեղացված ռեժիմով:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է բեռնատար ավտոմեքենաների համար, բաց՝ թեթեւ մարդատար ավտոմեքենաների համար՝ անվաշղթաների կիրառաման դեպքում:
